Curso de Manipulador de Alimentos na sede de ACIGU

A Guarda, 03/06/2008. A Asociación de Empresarios de A Guarda, ACIGU CCA, convoca para o próximo mércores, día 11 de xuño, Curso de Manipulador de Alimentos de 17.00 a 20.00 horas na sede de ACIGU.  Para calquera consulta, chamar ao teléfono: 986 61 17 43 ou ben pasar pola sede social na rúa Agustín Nandín Lomba, 4 (Praza da Igrexa). Prazas limitadas

ACIGU CCA entregou os primeiros 97 vales compra da campaña “Venres gastronómicos”

A Guarda, 02/06/2008. A Asociación de Empresarios de A Guarda ACIGU CCA  informa que o venres, 30 de maio, deu comezo un ano mais os seus Venres Gastronómicos ACIGU CCA .

En cumprimento das bases reguladoras da campaña promocional, na sede de ACIGU CCA entregáronse, o sábado 31 de maio, 97 Vales Compra para consumir en establecementos asociados ao sector comercial.

Esta e a sétima edición dunha campaña que aposta por unha gastronomía de calidade dos restaurantes de ACIGU CCA recoñecidos a nivel autonómico, nacional e internacional.

Dende a restauración guardesa, engaden desde ACIGU CCA, sempre se apostou por un nome, “Capital da Langosta”, sendo todos os productos ofertados da mesma  calidade.

ACIGU CCA, así como a Federación Provincial de Hostalería e a Federación Galega de Comercio, avalan e defenden unha hostalería e un comercio de calidade.

Hoxe comezan os “Venres gastronomicos” de ACIGU

A Guarda, 30/05/2008. ACIGU inicia, hoxe, os Venres gastronómicos, unha iniciativa pola que todas aquelas ceas en parella con un importe igual ou superior aos 40 €, recibirán un cheque – compra por valor de 5 €, que poderán consumir en calquera establecemento asociado a ACIGU, excluíndo o sector da hostelería e  restauración.

Para poder recibir este cheque – compra, os interesados deberán presentar, ao día seguinte (sábado), na sede de ACIGU, o ticket de caixa do restaurante onde fixeron a devandita consumición.

As datas que coinciden con estes Venres gastronómicos son o 30 de maio, 27 de xuño, 26 de setembro, 31 de outubro e 28 de novembro.

Esta iniciativa é totalmente gratuíta para os asociados e con ela preténdese impulsar unha restauración e un comercio local de calidade.

O 21 de xuño ACIGU promoverá a IV Degustación Gratuíta da Rosca de Xema Guardesa

A Guarda, 20/05/2008. A Asociación de Empresarios de A Guarda (ACIGU CCA) presentou  onte mércores, 21 de maio do 2008, un avance  da “IV DEGUSTACION GRATUITA DA ROSCA DE XEMA GUARDESA”.

O sábado 21 Xuño na rúa do Porto da Guarda farase a degustación das 10.000 racións gratuítas  a partir das 18.00 horas. Pola gran acollida mostrada por parte do público local e foráneo ACIGU CCA segue poñendo un grande empeño en que esta degustación siga crecendo.

Os participantes nesta degustación serán “Panadería do Muño” e “Confitería Rogelío” ademais de colaborar Caixanova, Concello da Guarda, Federación de Empresarios do Baixo Miño e Consellería de Innovación e Industria.

219.520 € en ventas promocionadas e 27.440 € en cheques–compra algúns datos da campaña promocional dos "Venres gastronómicos"

A Guarda, 20/05/2008. A Asociación de Empresarios de A Guarda – ACIGU CCA, vén elaborando dende o ano 2002 a campaña promocional “Venres Gastronómicos”, proxecto de apoio á hostalería e restauración e ao pequeno comercio guardés, cuxo obxectivo é a promoción hostaleira e comercial dos establecementos integrados en ACIGU CCA.

          Recordemos que esta campaña consiste en que todas aquelas ceas en parella cun importe igual ou superior aos 40 €, recibirá un cheque – compra por valor de 5 €, que poderán consumir en calquera establecemento asociado, excluíndo o sector da hostelería e da restauración.

          Para poder recibir este cheque – compra, os interesados deberán presentar, ao día seguinte (sábado), na sede de ACIGU o ticket de caixa do restaurante onde fixeron a devandita consumición.

As datas que coinciden con esta campaña son o último venres de cada mes, dende o mes de marzo ata novembro, sen contar xullo e agosto; é dicir 7 venres ó ano.

          Os datos acadados dende o ano 2002 ata o presente son os seguintes:

          No 2002 participaron 24 establecementos hostaleiros e de restauración, rexistrándose un total de 122 ceas en parella por cada venres gastronómico, o que supón un total de 854 ceas ó cabo da campaña. Isto supuxo un total de beneficio para a hostalería de 34.160 €, e para o pequeno comercio un consumo total a maiores de  4.270 €.

          No 2003 a participación dos establecementos mantívose en igual número, 24 establecementos. O que sí se viu incrementado foi o número de parellas que quixeron formar parte desta iniciativa, sendo un total de 128 en cada venres gastronómico. Este ano debido a este incremento no número de parellas, un total de 896, viuse favorecido tanto a restauración con un consumo de 35.840  €; como o comercio local con un consumo de  4.480 €.

          No 2004, vendo o éxito da campaña, sumáronse a esta iniciativa dous establecementos máis, facendo un total de 26. O consumo ese ano revestiu nun beneficio para o sector da restauración, cun total de 132 ceas en parella cada venres gastronómico, é dicir 924 parellas en total, con 36.960 €; e para o comercio 4.620 €.

          No 2005, conservando estes 26 establecementos, rexistráronse 130 ceas en parella en cada venres da campaña, o que supuxo un total de 910 ceas. Para a hostalería revestiu uns ingresos por valor de 36.400 € e para o comercio local os ingresos acadaron 4.550 €.

          No ano 2006 os establecementos de restauración incrementaron o seu número a 27, rexistrándose tamén un incremento das ceas, que neste caso foron 135 por venres, é dicir un total de 945 ceas de parella.

          Estes datos supuxeron que no ano 2006 os establecementos hostaleiros e de restauración do concello de A Guarda tiveron un consumo positivo de 37.800 €, e o pequeno comercio de 4.725 €.

          No ano 2007, con igual número de establecementos, 27, houbo un total de 137 ceas en parella, é dicir un total de 959 ceas ao remate da campaña, o que supuxo un consumo de 38.360 € para o sector da hostelería e de 4.795 € para o pequeno comercio.

          Tendo en conta estes datos, desde ACIGU CCA afirman que dende o 2002 e ata o 2007 tanto os sectores de restauración e hostelería como o pequeno comercio víronse favorecidos con esta iniciativa, onde os datos totais foron os seguintes:

          Restauración: 219.520 € en ventas promocionadas por esta campaña para este sector.

Comercio local: 27.440 € en cheques – compra para o pequeno comercio a cargo de ACIGU.

          Despois de ver estes datos tan favorecedores, un ano máis, ACIGU volve a pór en marcha este proxecto do que se estima que teña unha repercusión económica favorecedora e un incremento do consumo dun 20%.

          Este ano as datas que coinciden con estes venres gastronómicos son:

30 de maio

27 de xuño

26 de setembro

31 de outubro

28 de novembro

          Festa campaña non se ofrecen reportaxes gráficos por respecto á intimidade dos usuarios e pola Lei de protección de datos, pero existen probas reais de ano a ano do consumo no comercio.

Mañá presentarase en ACIGU un estudo sobre o comercio guardés realizado pola Federación Galega de Comercio

A Guarda, 13/05/2008. La Asociación de Empresarios de A Guarda, ACIGU CCA, presentará mañá, mércores, ás 13.30 horas na sede social o resultado dun estudo sobre o comercio local.

Comoparecerán o presidente da Federación Galega de Comercio, José Mª Seijas López, e o presidente da Federación Provincial del Comercio de Pontevedra, Antonio Reguera Repiso.

Na presentación avanzaranse os resultados do estudo que analiza a situación e o estado actual do comercio guardés, realizado por la empresa Estrategias de Mercadotecnia, así como o significado do distintivo de Calidade do Comercio Galego, requisitos e liñas de axuda.

Curso de Prevención de Riscos Laborais, cunha duración de 50 horas

A Guarda, 13/05/2008. A Asociación de Empresarios da Guarda (ACIGU CCA) deu comezo onte, 12 de maio, ao curso de Prevención de Riscos Laborais, cunha duración de 50 horas, impartíndose na sede de ACIGU CCA, de 19.30 a 22.30 horas, os luns e xoves.

          A prevención de Riscos Laborais debe ser un obxectivo prioritario para todas as empresas, co fin de mellorar as condicións de traballo e reducir o máximo os índices de siniestralidade.

          Con esta actividade formativa, preténdese dar a coñecer ao alumno a principal lexislación e os conceptos básicos en materia de prevención, así como facilitar as ferramentas e coñecementos necesarios para unha correcta xestión da prevención na empresa.

          O curso é gratuíto para todos os participantes ao estar subvencionado pola Consellería de Traballo,  a Confederación de Empresarios de Pontevedra e ACIGU

Celebrouse o sorteo do Día da Nai de ACIGU CCA co reparto de 19 agasallos

A Guarda, 07/05/2008. A Asociación de Empresarios da Guarda (ACIGU CCA) realizou onte, 7 de maio, o sorteo da Campaña do Día da Nai “Acordate Dela”, totalmente gratuíta para os asociados, e na que colaboran a Federación Galega de Comercio, Consellería de Innovación e Industria e Caixanova.

Coas campañas que realiza ACIGU CCA preténdense potenciar as ventas dos establecimentos asociados e a súa vez fidelizar a súa clientela. Desde a asociación están permanentemente apoiando o comercio retallista cun programa continuo de servizos, campañas, asesoramento e formación desenvolvido polos técnicos e o equipo asesor, no que se analizan as necesidades e prioridades do sector en xeral e o comercio en particular.

Os números premiados no sorteo do Día da Nai, vaixo o lema “Acórdate dela” son os que se detallan a continuación:

A presidenta de ACIGU esixe distinta información sobre a situación do mercadiño da Alameda

A Guarda, 07/05/2008. Carmen García Braga, como presidenta de ACIGU, asinou un escrito dirixido ao alcalde da Guarda no que se fai eco das queixas recibidas neste colectivo por parte dos asociados referidas á venda ambulante.

            No escrito, Carmen García esixe, polo ben da cidadanía en xeral e do comercio en particular, que se lle informe quen son os titulares do mercadiño dos sábados e quen estiveron exercendo a venda ambulante o sábado, 3 de maio. Quere saber tamén cal é a situación dos cobros deses postos, o protocolo de inspección que se leva a cabo todos os sábados no mercadiño; por que se permite o aparcamento en dobre fila cando no resto do pobo está prohibida, e as medidas que se están a tomar para evitar a “Venda ambulantes discriminada”.

            Carmen García espera que “neste concello se cumpra a ‘Ordenanza Municipal Reguladora da Venda Ambulante’”.

Campaña de apoio á hostelería e ó pequeno comercio coa posta en marcha dos “Venres gastronómicos de ACIGU CCA”

A Guarda, 06/05/2008. A presidenta da Asociación de Empresarios da Guarda – ACIGU CCA, Carmen Mª García Braga, presentou onte un proxecto de apoio á hostelería e restauración e ó pequeno comercio guardés, cuxo obxectivo é a promoción hostaleira e comercial dos establecementos integrados en ACIGU CCA.

           ACIGU, neste proxecto, presenta, un ano máis a Campaña dos Venres Gastronómicos cuxas bases explican que todas aquelas ceas en parella con un importe igual ou superior aos 40 €, recibirá un cheque – compra por valor de 5 €, que poderán consumir en calquera establecemento asociado, excluíndo o sector da hostelería e da restauración.

Para poder recibir este cheque – compra, os interesados deberán presentar, ao día seguinte (sábado), na sede de ACIGU o ticket de caixa do restaurante onde fixeron a devandita consumición.

As datas que coinciden con estes venres gastronómicos son 30 de maio, 27 de xuño, 26 de setembro, 31 de outubro e 28 de novembro.

Esta iniciativa é totalmente gratuíta para os asociados e con ela preténdese impulsar unha restauración e un comercio local de calidade.

62 establecementos comerciais nos sectores de Moda e Complementos levan os seus produtos ao Centro de Oportunidades de ACIGU CCA

A Guarda, 22/04/2008. Carmen Mª García Braga inaugurou onte, 22 de abril a nova tempada “Moda e Complementos” no Centro de Oportunidades de ACIGU CCA.

Este servizo facilita aos establecementos comerciais liquidar artigos doutras tempadas, ao mesmo tempo que cumpren a lexislación vixente en comercio en materia de liquidación e recuperan parte do capital invertido.

Nesta tempada participan 62 establecementos comerciais vinculados a estes sectores.

Dende que ACIGU CCA inaugurou este Centro de Oportunidades máis de 150 establecementos tiveron a oportunidade de liquidar a súa estocaxe nos sectores Decoración & Fogar  e Moda & Complementos.

Oportunidades ACIGU CCA abre con novos artigos: zapatos, deportivos, moda home, muller e neno, roupa de baño, lencería e complementos.

Este servizo conta ca colaboración da Consellaría de Innovación e Industria, Federación Galega de Comercio e Caixanova.

A tenda de oportunidades  abre ao público co seguinte horario:

Inauguración da tempada de Moda e Complementos no Centro de Oportunidades ACIGU CCA

A Guarda, 22/04/2008. A Asociación de Empresarios de A Guarda (ACIGU CCA) inaugura hoxe, día 22 de abril, a nova tempada de Moda e Complementos no CENTRO DE OPORTUNIDADES ACIGU CCA, situado na rúa Inguieiros 2 da Guarda, despois de ter no mes de Febreiro – Marzo o sector Decoración – Fogar.

Curso de “Prevención de riscos laborais”de 50 horas de duración organizado por ACIGU

A Guarda, 27/03/2008. A Asociación de Empresarios de A Guarda (ACIGU CCA) organiza en colaboración coa Confederación de Empresarios de Pontevedra, e para traballadores do réxime xeral ou autónomos:m un curso de “Prevención de riscos laborais”de 50 horas de duración.

As persoas interesadas en participar no mesmo deberán inscribirse na sede de ACIGU CCA ou chamando ao número de teléfono 986 61 17 43. Prazas limitadas

“Acórdate dela” campaña de ACIGU CCA co gallo do Día da Nai

A Guarda, 16/04/2008. Onte, 15 de abril, presentouse a campaña do Día da Nai – Acórdate Dela, na sede social de ACIGU CCA co obxecto da celebración e promoción do comercio local. “Acórdate dela” anúnciase de xeito innovador e diferente, de acordo a forma en que está estructurada a sociedade hoxe en día.

A campaña “Acordate dela”, premiará a fidelidade dos clientes sorteando 1 viaxe a Canarias; 3 Vales-compra de 50€; 5 Vales-compra de 30€ e 10 Vales-compra de 20€

Chocolatada

            Por outra banda ACIGU CCA convida a todos aqueles que o desexen, a disfrutar con esta asociación, o próximo 25 de Abril, dunha Chocolatada, con motivo do Día de Portugal na Praza de San Benito da Guarda, onde está previsto repartir máis de 2.500 racións de chocolate e rosca.

ACIGU CCA celebrará o Día de Portugal (25 de abril) cunha Gran Chocolatada

A Guarda, 08/04/2008. Con motivo da celebración do Día De Portugal, o próximo 25 de abril, ACIGU CCA, tal e como vén facendo nos últimos anos, vai premiar a fidelidade dos clientes dos establecementos asociados, cunha Gran Chocolatada, na que está previsto servir 2.500 racións de chocolate e rosca.

Este acto vaise desenvolver na Praza de San Benito e dará comezo ás 17.30horas.

As invitacións para a degustación poderán recollerse nos establecementos asociados á Asociación de Empresarios de A Guarda, ACIGU CCA.

Sorteo de Día do Pai de ACIGU-CCA

A Guarda, 27/03/2008. A Asociación de Empresarios de A Guarda (ACIGU CCA) realizou onte, 26 de marzo, o sorteo da Campaña do Día do Pai, totalmente gratuíta para os asociados.

Os números premiados son os que se detallan a continuación:

Con esta campaña ACIGU quere potenciar as vendas dos establecementos  asociados e a súa vez fidelizar á clientela. Este é o inicio das campañas que realizará ACIGU CCA o longo do ano, sumándoselles o resto de actividades e servizos de ACIGU CCA que promocionan ós nosos establecementos empresariais. Esta campaña promocional conta coa colaboración da Consellería de Innovación e Industria e  Caixanova.

ACIGU xestionará para os comercios que o soliciten a implantación do distintivo de Calidade do Comercio Galego

A Guarda, 24/03/2008. A Asociación de Empresarios da Guarda (ACIGU CCA) en colaboración coa Federación Galega de Comercio xestionará a todos os establecementos comerciais que así o soliciten a implantación do distintivo de Calidade do Comercio Galego.           

     Este distintivo concédese aos establecementos que cumpren, como mínimo, oito dos nov requisitos fixados na norma UNE 175001, calidade e servizo para o pequeno comercio, acreditando o seu cumprimento mediante certificado emitido por unha entidade acreditada por ENAC.

     Eses requisitos son

1. Coñecemento da normativa vixente en materia de comercio na Comunidade Autónoma Galega, mediante a súa participación en cursos e xornadas.

2. Non ter sido sancionado en materia de comercio nos últimos 3 anos

3. Utilización da lingua galega na sinalética interior e exterior do establecementos comercial así como na páxina web, de ser o caso.

4. Integración nunha asociación de comerciantes e empresarios que conten entre os seus asociados cun alto numero de comerciantes.

5. Adhesión ao sistema arbitral de consumo.

6. Implantación na empresa das medidas de conciliación da vida laboral e familiar.

7. Existencia dun plan de prevención de riscos laborais

8. Adopción de medidas para a supresión de barreiras arquitectónicas no local comercia.

9.  Medidas de Aforro enerxético e ambientais.

     A Fundación para o Fomento da Calidade Industrial e o Desenvolvemento Tecnolóxico de Galicia verificará o cumprimento dos requisitos anteriores

Todos os establecementos interesados poden pasar pola sede de ACIGU CCA, na rúa Agustín Nandín Lomba–4 ou chamar ao teléfono 986 61 17 43, onde un técnico asesorará aos comerciantes  sobre a norma UNE 175001.

Facturación Electrónica e a Protección de Datos tratados nunha xornada de divulgación organizada por ACIGU

A Guarda, 12/03/2008. A Asociación de Empresarios da Guarda (ACIGU CCA) organizou o martes, 11 de marzo, un seminario formativo dirixido ao empresariado local no que se tratou sobre a Facturación Electrónica e a Protección de Datos

Co tema da Factura Electrónica  ACIGU quixo informar á pequena empresa dos beneficios que supón a súa implantación e aclarar dubidas sobre o novo formato de facturación. A mesma consiste nun documento tributario xerado por medios informáticos, en formato electrónico, que sustitúe ao documento físico en papel conservando o seu mesmo valor legal e que pode ser conservado electronicamente.

Esta facturación telemática basease na aplicación de mecanismos que permiten garantir a autenticidade da orixe das facturas e a integridade do seu contido.

Coa Protección de Datos preténdese manter informado  e formar o empresariado sobre lexislación na protección de datos que debe garantir os dereitos e liberdades das persoas, e en particular o dereito de respectar  a intimidade; non tratándose só de cumprir a lei por temor as sancións senón de xestionar con eficacia a información acumulada nas nosas empresas.

Este seminario foi impartido pola Confederación de Empresarios de Pontevedra (CEP) coa colaboración de ACIGU CCA.

Carmen García presentou o Curso de inglés comercial

Carmen García, presidenta de ACIGU; Antonio, director do centro Informática San Benito, e Sofía Vicente, profesora do curso de inglés

A Guarda, 08/03/2008. A Asociación de Empresarios de A Guarda (ACIGU CCA) e na súa representación Carmen Mª García Braga presentou o xoves, 6 de marzo, o curso de Ingles comercial.

O curso  impártese en Informática San Benito e esta incluído no programa formativo da Federación Galega de Comercio a través de Femxa en colaboración coa Asociación de Empresarios da Guarda (ACIGU CCA).

Xornada sobre a "Factura Electrónica e  Regulamento LOPD"

A Guarda, 08/03/2008. A Confederación de Empresarios de Pontevedra e a Asociación de Empresarios da Guarda organizan, o vindeiro martes, 11 de marzo, unha Xornada sobre a "Factura Electrónica e  Regulamento LOPD" que ten por obxecto dar a coñecer as ventaxes da factura electrónica e os pasos a seguir para facelo da forma máis simple posible, así como o coñecemento do regulamento da LOPD.

Esta Xornada vaise desenvolver na Sede Social de ACIGU, a partir das 19.00h.

As persoas interesadas en participar poden inscribirse acudindo a sede social de ACIGU-CCA, na rúa Agustín Nandín Lomba – 4, ou chamando ao teléfono 986 61 17 43 – 986 60 90 25, e mesmo a través do correo electrónico:  acigu2@yahoo.es.

O afortunado dos 5.000 euros de ACIGU gastará mañá a tarde o seu premio rematando o acto con festa infantil

Marco Claro Silva, premiado co vale-compra por contía de 5.000 euros, con Carmen García

A Guarda, 04/03/2008. A Asociación de Empresarios da Guarda (ACIGU CCA) realizará mañá venres, 7 de marzo, a partires das 17.00 horas, as compras con Marcos Claro Silva, o afortunado cos 5.000 € da Campaña de Nadal.

Con motivo da mesma realizarase unha festa infantil na rúa Vicente Sobrino desde as 18.00 ás 19.00 horas que contará con paiasos que realizarán globoflexia e maquillaxe.

Ao remate da festa a todos os nenos recibirán unha bolsa de lambetadas.

19 regalos sortea ACIGU na Campaña do Día do Pai

A Guarda, 04/03/2008. A Asociación de Empresarios da Guarda (ACIGU CCA) presentou o 3 de marzo, a campaña do DÍA DO PAI, coa que se pretende fomentar o comercio local.

     Esta campaña é totalmente gratuíta para todos os establecementos asociados a ACIGU.  Consiste na entrega de carteis e papeletas numeradas aos establecementos asociados, dando a posibilidade aos clientes de participar no sorteo de 3 Televisores de 14”, 3 DVD, 3 MP3 e 10 Vales compra de 20 €.

ACIGU xestionará gratuitamente as axudas para a adecuación dos establecementos comerciais

A Guarda, 26/02/2008. A Asociación de Empresarios da Guarda (ACIGU CCA) xestionará gratuitamente entre os seus asociados, dende o departamento de asesoramento empresarial, a subvención para adecuación dos establecementos comerciais ao seu entorno competitivo. A finalidade desta subvención é a renovación do comercio retallista galego e a incorporación das novas tecnoloxías de información á xestión dos establecementos comerciais, co obxectivo de adaptar as súas estructuras ao seu entorno de maneira máis competitiva.

     O departamento de asesoramento empresarial de ACIGU CCA durante o ano 2007 realizou máis de 350 consultas de diversos e diferentes temas, totalmente gratuítas para os seus asociados.

Comezou e ACIGU CCA o curso de Carretilleiro

A presidenta de ACIGU, dando a benvida aos alumnos do curso

A Guarda, 19/02/2008. A Asociación de Empresarios da Guarda (ACIGU CCA) deu comezo onte, 18 de febreiro ás 20.00 horas, un Curso de Carretilleiro de 30 horas de duración, na Sede de ACIGU.

     Neste curso, que contempla tanto formación teórica como práctica, participan 15 alumnos traballadores de diferentes sectores de empresas do Baixo Miño. O Curso de Carretilleiro inclúese no programa formativo da Confederación de Empresarios de Pontevedra (CEP) e a Consellaría de Traballo (Dirección Xeral de Formación e Colocación).

Alumnos asistentes a este curso de formación de 30 horas